DESCRICIÓN

BASKET AND ENGLISH forma parte dun proceso de ensino/aprendizaxe co obxectivo fundamental de conseguir que o neno desenvolva actitudes de respecto cara aos demais e o seu interese por colaborar nas tarefas de grupo.

Para iso xerarase un clima que favoreza a comunicación e  situacións que esperten o interese e entusiasmo dos nenos e nenas por aquilo que fan. Sendo partícipes das conversas en inglés aprenderán a formular preguntas, ordenar palabras na construción de frases afirmativas, negativas, singular/plural.

As primeiras metas serán: aprender os números en inglés efectuando sumas mentais dunha cifra, coñecer os días da semana e as partes do corpo. Ademais de aprender os fundamentos técnicos como o control do balón, pases, diferentes tipos de tiro,... E o que é fundamental: comigo aprenderán a pensar en inglés.

OBXECTIVOS

• DESENVOLVER ASPECTOS DA ALIMENTACIÓN, HIXIENE, COIDADO DO CORPO
• ESTIMULAR O INTERESE POR COOPERAR COS COMPAÑEIROS E COMPAÑEIRAS PARA CONSEGUIR METAS COMÚNS
• FOMENTAR O TRABALLO EN EQUIPO
• RESPECTAR OS COMPAÑEIROS E COMPAÑEIRAS, O MATERIAL E ASUMIR AS RESPONSABILIDADES QUE LLES CORRESPONDAN