COÑECETE: PROGRAMA DE EDUCACION SEXUAL. ESO, BACHARELATO
Data inicio: 01/02/2022 Data fin: 30/04/2022
DESCRICION
Este programa centrase na adquisición de coñecementos, estratexias e habilidades para promover unha educación sexual adecuada e sa. Diríxese aos alumnos e alumnas dos colexios dos concellos de Ourense. Ao finalizar terán adquirido conceptos como sexo, erótica, sexualidade, orientación e identidade.
Os tres obxectivos centrais da educación sexual son coñecerse, aceptarse e aprender a expresar a erótica de forma que os alumnos/as se sintan a gusto cos seus corpos.
Coñecerse
- Saber cales son as súas capacidades e habilidades, que puntos poden mellorar e como poden desenvolvelos. Todo isto relacionado coa educación sexual e o feito sexual humano.
Aceptarse
- Aceptarse tal e como son. Para isto fomentarase a súa autoestima, cuestionaranse os modelos existentes nos medios de comunicación, os estereotipos sociais e as crenzas.
Expresarse
- Xestionar a súa imaxe, saúde, hixiene e intimidade. Tamén pretende capacitar aos asistentes/as cun maior repertorio de ferramentas para facer fronte aos retos cos que se poidan encontrar na vida diaria.
Obxectivos xerais
- Identificar os estereotipos e crenzas sobre a sexualidade. Modelos reais.
- Xestionar a autoestima e a propia imaxe.
- Coñecer a influencia dos medios de comunicación sobre a imaxe corporal.
- Valores e hábitos de relación (amizade, parexa, sociedade,etc)
- Hábitos de hixiene e autocoidado.
DESTINATARIOS/AS
- Alumnos e alumnas de ESO
PERIODIZACION
- Do día 1 de febreiro a 30 de abril de 2022 (UNHA HORA DE DURACIÓN)
COORDINADORA:
- Stella Estrada Mosquera 988388169 / correo: educa.programas4@ourense.es
© 2012 concellería educación - Todos os dereitos reservados | Política de Privacidad